ENtreVista A Xosé BlaNcO e XeSUSa MíGuEZ ( Os meUS AvóS)

A escola de antes era moi diferente da de agora. Sobretodo, dende o punto de vista dunha nena e dun neno (xa que antes a sociedade era moi machista). Por exemplo: en moitas ocasións as nenas tiñan que quedar na casa e non poder ir ó colexio porque tiñan que limpar a casa ou coidar dos animais e os nenos tiñan que facer iso tamén, pero se querían ir ó colexio podían deixarlle ese traballo ás irmás ou non facelo ata que chegaran da escola.

1. Entrevistas :

• Punto de vista masculino (Xosé Blanco): Antes acudir á escola era bastante difícil para moitos rapaces e rapazas. Pero en especial para as nenas. Na época de meu avó os rapaces recibían leccións básicas de instrución militar !nas escolas! Logo tamén lles ensinaban a ler, escribir e algunhas tarefas relacionadas co traballo agrícola.

O máis importante era que aprenderan a ler e escribir xa que o demais, non " importaba " moito.

• Punto de vista feminino (Xesusa Míguez) : As nenas eran as que tiñan unha situación máis difícil xa que non se lles daba moita importancia e anque non aprenderan a ler nin escribir moi ben "era igual ". Que machismo.... . A elas, á parte das materias que tiñan todos en común (nenos e nenas) aprendíanlles a coser, a limpar e como tiñan que facer para ser unhas boas amas de casa. Ademais disto tamén lles dicían como se tiñan que comportar cos demais e en especial cos seus respectivos "noivos".
• Punto de vista común : As materias restantes eran para todos as mesmas.

Tiñan un recreo de 30 minutos cada 3 clases (só tiñan 5 clases). Eran 5 días de escola á semana e íapola mañá 3 horas e pola tarde 2 e media.

A mestra era común para todos e, dependendo de cal lle tocara, pegaba ou non. Os castigos eran para todos iguais: estar de xeonllos cos brazos abertos e cos libros enriba deles...

Tiñan para todos un libro (que era da mestra) e chamábanlle "libro de manuscrito" . Para aprender a ler ós pequenos ensinábanlle primeiro as vogais e logo comezaban con libros máis complicados para ir empezando.

Había un só encerado e tiñan un xiz chamado " pizarrillo". Daquela época os nenos comezaban con 7 anos de idade! e remataban con 14 anos! Nada que ver cos tempos de agora...

FIN