As ESCOlas InDIanas

EscOLAS INdIAnAS:

No primeiro terzo do século XX, aqueles galegos que emigraban "Ás Indias" (América) decidiron xuntar as súas forzas e cartos en sociedades de instrución, para contruír as chamadas escolas de indianos.

Eran construídas co fin de que os nenos e nenas labregas puidesen escapar do analfabetismo, e que os fillos dos seus parentes e veciños puidesen prepararse para o futuro. Vían na educación o mellor investimento para o progreso.

A maioría destas escolas eran consideradas de influencia republicana xa que moitas delas incluían nos seus programas a laicización da educación e a renovación do sistema educativo mediante prácticas que estimulasen a aprendizaxe do alumnado.

• O profesorado era elixido mediante oposición e requerían requisitos de índole política.
• Os valores que promovían eran a formación académica, tanto de nenos coma de nenas.
• A maioría destas escolas seguían un mesmo patrón: unha aula para os nenos cun mestre; unha aula para as nenas cunha mestra e unha casa para o mestre que a miúdo era o director. Todas contaban cun laboratorio e unha granxa agrícola para unha aprendizaxe máis práctica e directa.
• Nalgunhas escolas incluían materias propias como xeografía e historia de América.
• Tiñan actividades excursionistas.
• Tiñan unha tendencia liberal e simbolizaban o intento de avance. América era relacionada coa mellora e o progreso.
• Alguhas tiñan comedores gratuítos.
• Eran construídas cun peculiar estilo arquitectónico que as caracterizaba e cun rico mobiliario.